تجربتك في المكتبات ...افيدونا

السلام عليكم ورحمه الله وبركاته

..
انا حيت اطرح هالموضوع بحكم الصداقة الجديد بينا وبين المكتبات الي اتوقع انها صداقه اجباريه

كل وحده تدخل تعطينا اسماء المكتبات الي راحت لها ايضا وش وجه نظرها عن المكتبه مواعيدها موقعها خدماتها وتوفر الكتب فيها ... يعني تسولف لنا عنها ...


انا عن نفسي ...
اول مكتبه رحت لها هي مكتبه الملك عبد العزيز ...
المكتبه مكانها في مخرج 13 .. وهي ماقول كبيره لكن تحسين فيها برهبه المكتبه ههههههههه مدري ليه ...
الكتب فيها بصراحه مو كثيره مثل ما توقعت ... وكثير انك ماتلاقين فيها الي الكتاب الي تبحثين عنه ...
طبعا هي ممنوعه الجوالا الكميرا ... تدخلين اول شي مدخل خاص بالنساء .. يتفشون اغراضك ثم تطلعين وتمشين وتدخلين المكتبه من باب ثاني

تستقبلك مشرفة الامن وتاخذ جوالك وتحطين اسمك ونوع جوالك وكذا في ورقة وتخلين الجوال عندها ثم تدخلين تحطين اغراضك في بوكس يكون ع اليمين ..
وتكتبن اسمك وتدخلين بس بدفتر وقلم وممكن لاب توب ...


مكان القراءه فيها مرررررررررررررررره صغير والباحثات عددهم كبير وغالبا مجموعاات يعني ازعاااج ....

فيه تصوووير وومكن تاخذين عضويه .. العضويه تقضي بأنك تقدرين تستعيرين 5 كتب ...
العضويه عندهم نوعين
النوع الاول .. تدفيعين 500 ريال < تأمين < وتجيبين لهم اثباتك يادفتر العائله او بطاقه الاحواال ... ولازم لو تبين العضويه تكون قبل موعد
اقفال المكتبه بحوالي ربع ساعه ...
العضويه الثانيه هي : عشره كتب استعاره تدفعين الف ريال << تأمين تاخذنها اخر السنه << كما فهمت

بالنسبه للبحث او طريقة البحث .. انا عن نفسي اول يوم بصراحه درعمت مدري وش القصه .. لكن اسيل الله يبارك بعمرها ماقصرت وياااي ...

عشان ما تتوهقين مثلي .. اول ماتدخلين لك واحد من الامرين .. يا انك تكونين داخله نت وماخذه مواقع واسماء الكتب قبل تجينهم ويبقى عليك البحث عن الكتاب
او تروحين غرفه تلاقينها باقصى اليمين .. فيها خدمات العملاء .. تروحين لها تعطينها اما اسم الكتاب او الموضوع الي تبين تبحثين عنه وهي تطبع لك برنت على موقع
الكتاب ...

إذا انتي والله ماعندك عضويه فأنتي مضطره أنك تاخذين الكتاب وتصورينه عندهم ..
التصوير الكبير 6 صفحات بـ 1
التصوير A4 ثمان صفحات بريال

ولازم التصوير يكون بدري لأنه مررررررررره زحمه ...
يوم الثلاثاء مسائي < يكون التصوير ذااتي يعني مافيه احد يصور لك انتي تصورين << زيي او تجين بقيه الايام وتصورين ...


المواعيد انا بحط موضوع كامل ان شاء الله عن مواعيد المكتبات ... ماراح اكتبها منعا للتكرار المواضيع ...

المكتبة الثانيه الي زرتها طول الله اعمارك على االخير ...
مكتبه ابن القيم ..
موقعها ملاصقه لجامع الغراب
هي صغيره نوعا ماا لكنها غير معروفه وبتالي هااااااااااااااااااااااااادئه جدا تشتغلين بهدووووووووء تاام بدون اي ازعاجات ...

هي اكثر الكتب الموجوده فيها كتب دينيه صح اني لقيت غرفه فيها بعض من مراجعنا .. لكنها بيني وبينك لتخصصنا ماتنفع ابد لأني ماسفتدت منها ... <يعني لاتروحين لها...

طبعا هي ماتدخلين بعايه ولا كتاب ولا جوال ولا شي حتى الجزمه الله يكرمكم ... ممكن دفتر قلم ولاب تووب
طريقة البحث عنهم ...
عندهم جهاز تدخلين فيه موضوعك وهو يطلع لك مكان الكتاب حسب تنظيمهم ...

التصوير عندهم يكون قبل الساعه 7 ونص ... واضن 5 صفحات بريال ...

فيها عضويه .. عضويتهم تنقسم ثلاث اقسام ..
مجانيه < مالها سنع ابد
50 ريال < تقديرين تستعيرين
و100 ريال < استعاره لكتب اكثر .. < حسب مافهمت

طبعا ممنوع الكتابه على الكتب او التعليم عليها بأي اشاره كانت ....

المكتبه الثالثه .
مكتبه جامعة الملك سعود < عليشه
سلمووني عليها ...
طريقة منظمه وروووووووووعه
لكن الطلوب عشان ماتروحين وتتوهقين .. اول شي
تدخلين هالرابط
http://catalog.library.ksu.edu.sa/uhtbin/cgisirsi/RDAR3FeIHB/CENTRAL/297320007/60/502/X
وتبحثين لك عن اسم الكتاب الي تبين اول العنوان في جامعة عليشه للبنات .. ثم تطلع لك كل مواقع الكتب واسمائها تروحين تطبعينها او تكتبينها الي تبين
اما لو درعمتي ورحتي والله تب تضيعين ويروح الوقت بدون اي فائده عليك ...
فرض انك رحتي وانتي ماسويتي الي قلت لك عليه .. راح تلاقين امينة المكتبه راح تساعدك في البحث عن طريق النت .. بس خدمة النفس احسن :$
اقرب بوابه لها هي بوابه قم 6 تدخلين تلاقين يمينك لوحه فيها تخطيط للجامعة .. وقدامها درج (( بالعلامه في الدرج خشبه طويله للعربيات )) تطلعين الدرج
تاخذين يسار وتمشيين ثم يمين ثم يمين .. طبعا هي ماتدخلين الشنطه .. برى المكتبه تاما .. تاخذين بوكك جوالك حتى لو كميرا عادي لاب توبك قلم دفتر .. وعادي النظاره ههههه
طبعا هي 3 ادوار كبيره وفيها كتب الدنيا ... المجلات العليمه اي شششششششي تبينه ان شاء الله بتلاقينه فيها ... انا عن نفسي ارتحت لها مرره

طبعا لما تلاقين المراجع اكيد تبين تصورينها ..
التصوير عندهم عادي 10 بريال ...
وانتي الي تصورين لاتنطقين برى زييي< مسويه اخلاق واثاري الطيور تطير بارزاقها وانا اتفرج .. عادي جمعي كل مراجعك مرره وحده وروحي للتصوير
وادخلي وصوري ... وبعدين حاسبي ...
إذا تبين عضويه ..
تدفعين 1000 ريال وتجيبين تعريف من الجامعه (جامعة الامام ) انك باحثه او دارسه ماجستير وتكون موثقه مختومه ثم تجينهم ومعك التعريف والف وبطاقه وصورة شخصيه ..
وتجلس يومين عشان العضويه تطلع لك ... < بيني وبينك هي افضل شي لايهمك التعب حق استخراج العضويه لأنك راح تطولين بصداقتك للهذه المكتبه ...

هذا هي سواليفي اليوم لكم ويالله الباقي عليكم ...............

انتظر منكم بقية تجاربكم في المكتبات